نیشانەکانی برینی گەدە

نیشانه‌كانى (قرحة المعدة) برینى گه‌ده‌ چین ؟
چۆن ده‌ستنیشان ده‌كرێت؟
نیشانه‌كانى برینى گه‌ده‌؟
هۆكاره‌كانى تووش بوون.
چاره‌سه‌رى یه‌كه‌ى.

نیشانه‌كانى (قرحة المعدة) برینى گه‌ده‌ چین ؟

برینى گه‌ده‌ یه‌كێكه‌ له‌ برینه‌كانى سیسته‌مى هه‌رس كردنى خۆراك,كه‌ تووشى ده‌زگاى هه‌رس ده‌بێت,به‌ نمونه‌ دروست بوونى برینێك له‌ دیواى گه‌ده‌,برینى گه‌ده‌ یه‌كێكه‌ له‌ كێشانه‌ى كه‌ زۆرترین خه‌ڵك تووشى ده‌بێت,به‌ بێ جیاوازى ته‌مه‌ن,به‌ڵام زۆرترین تووش بووان له‌ ته‌مه‌نى شه‌ست ساڵى دان.

ده‌ست نیشانكردنى نه‌خۆشیه‌كه‌

به‌هۆى سێ رێگه‌وه‌ ده‌توانین ده‌ستنیشانى نه‌خۆشى (قرحة المعدة)بكرێت ,كه‌ ئه‌مانه‌ن:-
1- رێگه‌ى سه‌یركردن به‌ئامێر واته‌ (اندۆسكۆپى endoscopy)
2- وه‌رگرتنى نمونه‌یه‌ك له‌ دیواى گه‌ده‌ واته‌(بایۆپسى biopsy )كه‌ ئه‌میش هه‌ر له‌ كاتى ئه‌نجامدانى خالى یه‌كه‌م ده‌بێت ئه‌گه‌ر گومان له‌ بینینه‌كه‌ كرا.
3- له‌ رێگه‌ى تاقیگه‌وه‌ (لایبۆره‌تۆرى تیسته‌وه‌ laboratory tests) بۆ زانینى( باکتری هلیکوباکتر پورتال bacteria Helicobacter portal.)

نیشانه‌كانى برینى گه‌ده‌

نیشانه‌كانى ناسینه‌وه‌ى برینى گه‌ده‌ بۆ ئه‌وانه‌ى تووشى برینى گه‌ده‌ بوون زۆرن وه‌كو ئه‌مانه‌ن:
1- هه‌ست كردن به‌ ئازارێكى زۆر له‌به‌شى سه‌ره‌وه‌ى زگ به‌ تایبه‌تى ناوچه‌ى گه‌ده‌.
2- به‌رزبوونه‌وه‌ى رێژه‌یى ترشاندن له‌ گه‌ده‌.
3- به‌هۆى زۆر ده‌ردانى ترشى هایدرۆكلۆیك ,گه‌ده‌ ناتوانى ئه‌م رێژه‌یى یه‌ هه‌لمژێت وئه‌مه‌ش واده‌كات خواردن له‌نێوگه‌ده‌ هه‌ڵچێت و بۆ سورێنچك بگه‌رێته‌وه‌,ئه‌گه‌ر ئه‌مه‌ به‌رده‌وام بێت هه‌میشه‌ كه‌سى تووش بوو هه‌ست به‌هێلنج و رشانه‌وه‌ ده‌كات.
4- له‌ كاتى بوونى برینى گه‌وره‌ له‌ گه‌ده‌ ده‌بێته‌ هۆى خوێن به‌ربوون له‌ ده‌زگاى هه‌رس ئه‌مه‌س له‌گه‌ل پیساى ورشانه‌وه‌ به‌ ده‌رده‌كه‌وێت (واته‌ خوێنى له‌گه‌ل ده‌بێت)
(ئه‌گه‌ر ره‌نگى پیسایى تووش بوو قاوه‌یى بێت ئه‌وه‌ ماناى وایه‌ برینه‌كه‌ له‌ سه‌ره‌وه‌ى گه‌ده‌یه‌ واته‌ خوێنه‌كه‌هه‌رس بووه‌ له‌كاتى هه‌رس كردنى خۆراك,به‌لام ئه‌گه‌ر یسایى تووش بوو سوور بوو ئه‌وا برینه‌كه‌ له‌به‌شى خواره‌وه‌ى گه‌ده‌یه‌ _وه‌رگێر)
5- ئه‌گه‌ر بووه‌ هۆى كون بوونى دیواى گه‌ده‌ و لێچوونى خۆراك له‌ دیواى گه‌ده‌وه‌ ئه‌مه‌ مه‌ترسیداره‌ و پێویستى به‌ نه‌شته‌رگه‌یه‌ بۆ گیرانى ئه‌م لێچوونه‌.؛ 
5- یه‌كێكى تر له‌ نیشانه‌كانى كه‌ تۆمار كراوه‌ بریتى یه‌ له‌ گیرانى رێخۆله‌ باریكه‌ هه‌روه‌ها نه‌مانى ئاره‌زووى خواردن و نه‌مانى تواناى خواردن.

هۆكاره‌كانى تووش بوون

1- تێكچوونى هاوسه‌نگى له‌ نێوان ده‌ردانى ترشىى گه‌ده‌ وهه‌لمژینى له‌ لایه‌ن دیواى گه‌ده‌وه‌.
2- ره‌نگه‌ به‌هۆى كاریگه‌ى به‌كتریاى ئێج پالۆرى( H.pylori )بێت.
3-ره‌نگه‌ به‌هۆى به‌كارهێنانى ده‌رمانه‌وه‌ بێت وه‌كو (ئه‌سپیرین وئیبۆپرۆڤین)
4- هه‌ندێ جار به‌هۆى تووش بوونى زگ به‌ ڤایرۆسه‌وه‌ ده‌بێت كه‌ ئه‌مه‌ش زۆر حاله‌تى شازه‌.

چاره‌سه‌رى یه‌كه‌ى

1- وه‌رگرتنى ده‌رمان بۆ جێگیربوونى ده‌ردانى ترشى گه‌ده‌.
2- ئه‌گه‌ر تووش بوونه‌كه‌ به‌ هۆى به‌كتریاى ئیج پالۆریه‌وه‌ بێت ئه‌وا ده‌بێت ئه‌نیبایۆتیك وه‌رگرێت.
3- ئه‌گه‌ر به‌هۆى ده‌رمانه‌وه‌ بێت ده‌بێ ده‌ست به‌جێ ده‌رمانه‌كان راگرێت و به‌كاریان نه‌هێنێت.
4-ئه‌گه‌ر برینه‌كه‌ بووبێته‌ هۆى دڕان و ته‌قینى گه‌ده‌ ئه‌وا ده‌بێت به‌ زووترین كات نه‌شته‌رگه‌رى بۆ بكرێت.

چارەسەری برینی گەدە,چارەسەری سروشتی برینی گەدە,نیشانەكانی برینی گەدە,نەخۆشی برینی گەدە,هۆکارەکانی برینی گەدە,نیشانەی برینی گەدە,برینی گەدە چیە,برینی ناودەم,میراودەلی