ناوکی شوتی زیانی هەیە

زۆرینە وا بیردەکەنەوە خواردنی ناوکی شوتی زیان بە تەندروستیان دەگەیەنێت، بەڵام پسپۆڕانی خۆراک ئەو بیرکردنەوە بە هەڵە دادەنێن و ئاشکرایدەکەن، ناوکی شوتی سوودی زۆری بۆ جەستە هەیە.

سکای نیوزی عەرەبی لە بابەتێکی تەندروستیدا نوسیوویەتی، شوتی چەندین سوودی تەندروستیی بۆ جەستە هەیە و دەبێتە هۆی ئارامکردنەوەی گرژی ماسولکە و نەمانی گرفتەکانی پێست و ئەگەری توشبوون بە شێرپەنجەش کەمدەکاتەوە.

لەوبارەیەوە لۆرین ماناکیر پسپۆڕی خۆراک لە بەریتانیا وتوویەتی "ناوکی شووتی سەرچاوەی دەوڵەمەندە بە مەنگەنیز و فۆسفۆر و پۆتاسیۆم و پرۆتین و ترشی ئەمینی و ئاسن و زینک".

ئاماژەی بەوەکردووە، ئەم ماددە خۆراکییە جیاوازانە ئەرکەکانی مێشک و کۆئەندامی دەمار باش دەکەن، فۆسفۆرەکەی ناوی ئێسک بە تەندروستیی دەهێڵێتەوە و کرداری هەرس باش دەکات.

لەلایەکی ترەوە مایر جاکسی پسپۆڕی خۆراک رایگەیاندووە، شوتی رەگەزی خۆراکی گرنگی تێدایە گرنگترینیان دژە ئۆکسانە و بەرگری بەهێز دەکات، مەگنیسیۆمەکەی ناوی کە لە ناوکەکەیدا هەیە، هۆکارە بۆ بەرهەمهێنانی وزە لە جەستەدا و باشکردنی دەمارە خانەکان و جێگیرکردنی فشاری خوێن.


سودەکانی شوتی,زیانەکانی شوتی,شوتی لە خەودا,شوتی خواردن لە خەودا,شوتی بە ئینگلیزی,شوتی درەوشاوە,شوتی زەرد,شوتی بە عەرەبی,شوتی پێنجوێن,شوتی ناو زەرد,ناوی کوڕ