4 ڕکات دوای نوێژی عیشا

عبد الله کوڕی مسعود دەڵێت :
هەرکەسێك چوار ڕکات دوای نوێژی عیشا بکات جیایان نەکاتەوە بە سەلام دانەوە - واتە بە چوار ڕکات بیکات نەك دوو ڕکات دوو ڕکات - ئەجر و پاداشتی یەکسانە بەوێنەیان لە شەوی لیلة القدر ـدا - واتە وەك وایە ئەو چوار ڕکاتەی لەشەوی لیلة القدر ـدا ئەنجام دابێت. [مصنف ابن ابي شيبة]
عبد الله کوڕی عمرو دەڵێت :
هەرکەسێك چوار ڕکات دوای نوێژی عیشا بکات ئەوا ئەجر و پاداشتی وەکوو ئەوە وایە لە شەوی لیلة القدر ـدا ئەنجامی دابێت.
 دایکمان عائشة دەڵێت :
چوار ڕکات لەدوای نوێژی عیشا، ئەجر و پاداشتی یەکسان دەبێت بەوێنەیان لە شەوی لیلة القدر ـدا.
کعب الأحبار دەڵێت :
هەرکەسێك چوار ڕکات بکات دوای نوێژی عیشا ڕکوع و سوجدەی جوان تێدا ببات، ئەجر و پاداشتی یەکسانە دەبێت بەوێنەیان لە شەوی لیلة القدر ـدا.
عبد الرحمن کوڕی الأسود دەڵێت :
هەرکەسێك چوار ڕکات بکات دوای نوێژی عیشا، ئەجر و پاداشتی یەکسانە بەوێنەیان لە شەوی لیلة القدر ـدا.
مجاهد دەڵێت :
چوار ڕکات لەدوای نوێژی عیشا، ئەجر و پلە و پایەی وەکوو ئەوە وایە لە شەوی لیلة القدر ـدا ئەنجام درابێت.
عمران کوڕی خالد الخزاعي دەڵێت :
من لەلای عطاء دانیشتبووم پیاوێك هات بۆلای ووتی : ئەی أبا محمد طاوس پێی وایە کە : هەرکەسێك نوێژی عیشا بکات پاشان لەدوایەوە دوو ڕکات بکات، لەیەکەم ڕکاتدا : تنزیل سوڕەتی (السجدة) بخوێنێت، وە لە دووەم ڕکاتدا : تبارك الذي بيده الملك، بخوێنێت، ئەجر و پاداشتی بۆ دەنوسرێت بەوێنەی وەستانی لیلة القدر.
عطاء فەرمووی : طاوس ڕاستی کردوە، هەرگیز وازم لێنەهێناوە. [ حلیة الأولیاء]

خوێنی بێ نوێژی لە خەودا,دوعای نوێژی حاجە,دوعای نوێژی ئیستیخارە,دوعای نوێژی استخارە,کاتی نوێژی جەژن,چۆنیەتی نوێژی ئیستیخارە,چۆنیەتی نوێژی جەژن,نوێژی حاجە,نوێژی مردوو