زیانەکانی ئایسکرێم

مەترسییەکانی زۆر خواردنی ئایسکرێم

بەهۆی پێکهاتەی کرێمی و بەتامییەکەیەوە، ئایسکرێم یەکێکە لە شیرینییە ساردە دڵخوازەکانی زۆربەی خەڵکی جیهان، لەگەڵ ئەوەشدا ئەگەر زۆر بیخۆیت، دەبێتە هۆی کێشەی تەندروستی جۆراوجۆر لە بەرزبوونەوەی کۆلیسترۆڵەوە تاوەکو ئەگەری نەزۆکی .

بەگوتەی شارەزایان، زیادەڕەوی کردن لە خواردنی ئایسکرێم ناتەندروستە چونکە بڕێکی زۆر شەکر و کالۆری تری تێدایە، پزیشکەکان دەڵێن، زۆر خواردنی کرێم دەبێتە هۆی کەمکردنەوەی ئەگەری دووگیانی بەگوێرەی لێکۆڵینەوەیەک کە زانکۆی هارڤارد ئەنجامدراوە، ئەو ئافرەتانەی بەرهەمی شیرەمەنی چەوری زۆریان خواردووە وەک ئایسکرێم، ئەگەری تووشبوونیان بە کێشەی دووگیانی زیاترە بە بەراورد بەو ژنانەی کە شیرەمەنی کەم چەورییان خواردووە.

بەشێکی تر لە کاریگەرییە لاوەکییەکانی بریتین لە

١.دەبێتە هۆی بەرزبوونەوەی شەکری خوێن، رێژەی بەرزی شەکر لە ئایسکرێمدا دەبێتە هۆی بەرزبوونەوەی خێرای رێژەی شەکر لە خوێندا، پزیشکان دەڵێن ئەم حاڵەتە دەبێتە هۆی هەستکردن بە بێهێزی و توڕەبوون، هەروەها دەتوانێت کێشە دروست بکات بە تایبەتی بۆ ئەو کەسانەی کە کێشەیان هەیە لە بەڕێوەبردنی شەکر لە خوێنیاندا.

٢.بۆ ئەوانەی کە نەخۆشی ریخۆڵە توڕەیان هەیە، ئایسکرێم دەبێتە هۆی ناڕەحەتییەکی زۆر و کێشەی تەندروستی جددی، لەوانە ناڕەحەتی گەدە، قەبزی و دڵەکزێ، دەبێتە هۆی ئازاری توندی سک و غازات و کێشەی ریخۆڵە.

٣.دەبێتە هۆی ئەوەی ساردی بگات بە مێشکت، هەرچەندە زۆر بەتامە، بەڵام زۆر کەس بە خێرایی ئایسکرێم دەخۆن ئەوەش لە ئەنجامدا هەستێکی ئازاربەخشی لێدەکەوێتەوە کە بە شێوەیەکی گشتی بە بەستنی مێشک یان سەرئێشەی ئایسکرێم ناسراوە، ئەم حاڵەتە بە "سفینۆید گەنگلۆنـ"ـی دەمارەکانیش ناسراوە و و هەندێک جار سەرئێشەی توندی لێ دەکەوێتەوە.

٤.دەبێتە هۆی هەستیاری، ئەگەر هەستیاریت بە بەرهەمە شیرەمەنیەکان هەیە، لەوانەیە لە کاتی خواردنی ئایسکرێمدا تووشی ببیت، نیشانەکانی بریتین لە کۆکە، خوران، ئاوسانی توندی دەم و چاو یان قوڕگ و سەختی هەناسەدان.

دروستکردنی ئایسکرێم,گۆرانی ئایسکرێم,خواردنی ئایسکرێم,ئایسکرێم لە خەودا,ئاسکرێم,ھۆکارەکانی سەر ئێشە,لەرزینی سەر,لێکردنەوەی نینۆک,ئومێد بشار ئاکرەیی,كەسایەتی بەهێز,کەریم ئە