بەسەرهاتی پێغەمبەر موسا لەگەڵ فیرعەون

ئەگەر تۆزێ بە وردی سەرنجی بەسەر هاتنی موسی پێغەمبەر بدەین لەگەڵ فرعون هەرگیز تووشی ڕەشبینی نابین ، چۆن ؟

بەڕێزان ئەوەی معلومە لای ئێوە دوای ئەوەی فرعون بەردەوام شکستی دەهێنا لەبەرامبەر موسی سلامی خوای لێبێ ، ئەوەبوو پێغەمبەر موسی وەحی بۆ هات لە لایەن خوا وە کە دەبێ ميصر بەجێ بێڵن لەگەڵ ئەوانەی باواڕیان پێی هێنابوو ، فرعون خۆی و لەشکرەکەی شوێن موسی و باوەڕداران کەوتن ، موسی و ئەوانەی باوەڕیان پێی هێنابوو گەیشتنە سەر بەحرەکە و زۆری نەبرد فرعون و لەشکرەکەی دەرکەوتن تاوەکو وای لێهات زۆر نزیکبوونەوە لە یەکتر، سەرنج بدەن موسی و هاوەڵانی پێشیان بەحرە و پشتەوەیان لەشکری فرعونە ، هەر چواردەوریان گیراوە ، ئەوەبوو هاوەڵانی موسی وتیان تەواو پێمان گەیشتن و ئێمە تیاچووین ، بەڵام موسی یەکسەر فەرمووی نەخێر ! وانیە من پەروەردگارم لەگەڵەو ڕێگای دەربازبوونم نیشاندەدا ، ئەوەبوو خوا وەحی نارد بۆ موسی و پێی فەرموو : گۆچانەکەت بدە لە بەحرەکە ، ئەویش گۆچانەکەی دەستی لە بەحرەکە داو دەریاکە جیابوویەوە بەجۆرێ هەر لەلایەی بە قەد شاخێک بەرز بوویەوە ، موسی و هاوەڵانی ڕزگاریان بوو ، وە فرعون و دارو دەستەشی کاتێ لە ناو ڕێگای بەحرەکە شوێنیان کەوتن ئاوەکە هاتەوە یەک و غەرق بوون و خنکان ، مەبەستەکەم لێرەوە دەست پێدەکات : 
سەرنج بدەن کاتێ فرعون و لەشکرەکەی نزیک دەبنەوە لە موسی و هاوەڵانی ، ئیمانداران پێشیان بە حرەو دواوەیان لەشکری فرعونە ، ئەوە لە ژیانی ئێمەش ڕوو دەدات ، جاری وا هەیە توشی کێشەیەک دەبین وا هەست دەکەین تەواو تیاچووین و هیچ ڕێگەیەکی نەجاتبوون نیە ، پرس و ڕاوێژ بە هەر کەسێک دەکەی دەڵێ منیش سەری خۆم لەو کێشانەی تۆ دەر ناکەم نازانم چت پێ بڵێم ، ناخۆشیەکان لە هەموو لاوە دەورت دەدەن ، بۆیە زانایان دەفەرموون کاتێ ئینسان خوا تاقیکردەوە بە ناخۆشی ، ئەگەر ئیمان و ئومیدی بە خوا هەبوو خوا ناخۆشیەکانی بۆ دەگۆڕێ بە سەر کەوتن ، وە ئەو کات خوا سەرکەوتنی خۆی دەنێرێ کە ئینسان هەستی کرد تەواو هەر چواردەوری گیراوە بە ناخۆشی و ڕێی نجاتبوونی نیە ، خوای گەورە بەجۆرێ نجاتی دەدات کە ئەسڵەن بە خەیاڵیشیدا نەهاتبێ ، هەر وەک چۆن بەحری بۆ موسی و هاوەڵانی شەقکرد ، بەڵام بەو مەرجەی وەک موسی پێغەمبەر گومانت لە دەسەڵاتی خوا نەبێ ، کەواتە بارودۆخ هەر چۆنێک بێت مەترسە ، ڕێی نجاتبوونیش باوەڕبوونو ئومێد بوونە بە خوا ، دەرسێکی تر لەو بەسەر هاتە ئەوەیە خوا لە ئەوپەڕی تەنگانە سەر کەوتنی خۆی ناردوو ترس و نارەحەتی بۆ گۆڕین بە خۆشیەک وەسف ناکرێ بە هێزو دەسەڵاتی خۆی ، بەڵام لەگەڵ ئەوەشدا ئەمری بە موسی کرد کرد گۆچانەکەی دەستی بدا لە ئاوەکە ، ئەوەی بەحرەکەی شەقکرد دەسەڵاتی خوا بوو نەک گۆچانەکەی موسی ، بەڵام خوا ویستی ئەوەیە ئێمەی مرۆڤ تێبگەین خوا سەرکەوتن دەنێرێ بەو مەرجەی دوای پشت بەستن بە خوا خۆشت جوڵەیەک و هەوڵێکت تێدابێ ، تۆ هەوڵی خۆت بدەو پشت بە خوا ببەستە ، خوا ڕێگای نەجاتبوونت نیشان دەدات ، دەرسێکی تر ئەوەیە ئەوانەی تازە باوەڕیان بە موسی هێنابوو وتیان ئێمە تەواو تیاچووین ئەوە پێمان گەیشتن فرعون و لەشکرەکەی ، بەڵام ئەو قسانە وایان لە موسی نەکرد یەقین و ئیرادەی لاوازبێ ، بەڵکو ڕەدی دانەوەو فەرمووی نەخێر خوا نجاتم دەدا ، تۆی بەڕێزیش کاتێ سیقەو متمانەت بە خۆت هەیە با قسەی دەورو بەر ساردت نەکەنەوە و ڕێی نجاتبوون و سەرکەوتن ون بکەی ، چەندین دەرس و وانەی تر لەو ڕووداوەدا هەیە کە خوا لە قورئان بۆ ئێمەی گیڕاوەتەوە هەدەف تیایدا پەند وەرگرتنە ، بۆیە لە کۆتایی چیرۆکەکە خوا دەفەرمووێ : ((إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ)).
واتە : بەڕاستی لەو ڕووداو بەسەرهاتانەدا بەڵگەو نیشانەی ڕون و ئاشکرا هەن لەسەر دەسەڵاتی خوا بەڵام هێشتا زۆرینەیان باوەڕ ناهێنن.

چیرۆک و بەسەرهاتی کاریگەر,بەسەرهاتی خۆش,بەسەرهاتی ئاینی,بەسەرهاتی پێغەمبەران,بەسەرهاتی ڕاستەقینە,بەسەرهاتی پێغەمبەر محمد,بەسەرهاتی پێغەمبەر یونس,بەسەرهاتی ئەنفال,بەسەرهاتی گوڵێک,وتەی بەنرخ