غەیب چیە - نادیار

باسێک هەیە لە ئیسلامدا پێی ئەوترێ غەیب-واتە نادیار- کۆمەڵێک باسن کەوا تەنها زانیاری کەمیان لەسەر دراوە و باسی وردەکاری نەکراوە،ئەمەش بۆ تاقی کردنەوەی من و تۆیە کە پێویستە لەسەرمان بڕوامان پێیان هەبێت بەبێ ئەوەی (ڕەتیان بکەینەوە یان بیان شوبهێنین بە بەدیهێنراوەکان -مخلوقات- یان بە عقڵ لێکیان بدەینەوە) پێویستە لەسەرمان کەوا چۆن هاتون وا بەڕێیان بکەین و بڕوامان پێیان هەبێت ئەوەش کاری پیاوچاکانی ئەم ئوممەتە و سەلەفی صاڵحی ئەم ئوممەتە بوە،بەنمونە:

کەوترا الله جل جلاله دەستی هەیە.ئتر پێویست ناکا تۆ بڵێی چۆنە و چۆن نیە ئەوە ئیشی تۆ نیە،وە ناشبێت بڵێی چۆن ئەبێ دەستی هەبێت خۆ مرۆڤ نیە.ئەو خوایە نەوەک تۆ ئەو خۆی بڕیاری سیفەتەکانی ئەدات نەوەک تۆ.بۆیە ئەوەی پێویستە بڕوات پێی هەبێت بەبێ ئەوەی ڕەتی بکەیتەوە و بەحسابی خۆت وابزانی کە بۆیە رەتی ئەکەیتەوە تاوەکو نەیشوبهێنی بە دروستکراوەکانی، خودی ڕەتکردنەوەکە شوبهاندنە بە دروست کراوەکانی چونکە لەبیرکردنەوەی تۆدا وایە کە هەرکەس وتی دەستی خوا واتە ئیلا دەستی مخلوقاتێک دێتە پێش چاوت.وەرەتکردنەوەی ئەبێتە هۆی ئەوەی کە بچێتە بابی ئیلحادەوە کە ان شاءالله لەپۆستێکی تردا باسی ئەکەین.

هاتنەخوارەوەی خوای گەورە لە یەک لەسەر سێی شەودا.تۆ نابێ وابیربکەیتەوە کەدابەزینی الله وەک دابەزینی مخلوقاتە،یان ئنکاری کارەکە بکەیت بەحسابی خۆت تاوەکو الله نەشوبهێنی بە مخلوقات.چونکە هەردوو حاڵەتەکە کوفرە.

سوجدەبردنی خۆر لەژێر عەرشدا هەموو ڕۆژێک،وە هەڵهاتنی لەنێو چاڵە قوردا.ئەمانە تەنها کاری ئیمان پێ هێنان نەوەک کاری لێکدانەوەی عقڵ و زانست.چونکە زانست توانای نیە هەموو شتێک لێک بداتەوە.

خوای گەورە قاچی هەیە وە خوای کەورە لەکۆتاییا پێی موبارەکەی ئەخاتە ناو دۆزەخ کاتێ کەدۆزەخ داوای خەڵکی تر دەکات کەبخرێتە ناوی.

خوای گەورە خاوەنی پەنجەیە.پێغەمبەری خوا (صلى الله عليه وسلم) فەرمووی:دڵی نەوەی ئادەم لەنێوان دوو پەنجە لەپەنحەکانی رحمن دایە... .

وەچەندانی تر ئەمانە بۆ تاقی کردنەوەی تۆن کە ئایا تۆ کەلامەکەی الله وەک خۆی وەردەگری یان دەستکاری دەکەیت و بەعەقڵی خۆت لێکی ئەدەیتەوە.

عیلمی غەیب,غەیبەت,غەیبەتکردن,غەیبەت چییە,غەیبەت دەست نوێژ,غەیبەت لە خەودا,کەفارەتی غەیبەت,جۆرەکانی غەیبەت,سزای غەیبەت,بکەر نادیار,هاوەڵناوی نادیار,بەربەستی نادیار