ئەسمائی کچی ئەبوبەکر

کچی ئەبوبەکری صدیقه لە ئافرەتە موسڵمانە ناودارەکانە ، حەڤدەهەمین کەسە کەموسڵمان بووە ، پێش کۆچ شوی کرد بە زوبەیری کوڕی عەوام ، ناسراوە بە خاوەنی دوو پشتێنەکە (ذات النطاقین) چونکە پشتێنەکەی خۆی کرد بەدوو بەشەوەو ئەو خواردنەی پێ بەست کە بۆ پێغەمبەری خواو باوکی ئەبرد لەکاتی هیجرەتدا.

کاتی هیجرەت حامیلە بوو بە عەبدوڵڵاوە ، پاش گەیشتنی بەمەدینە زۆری پێ نەچوو عبدالله لەدایک بوو ئەو عبداللەیەی کە ناسراوە بە (عبداللەی کوڕی زوبەیر) ، ئەسما ژیا تا خەلافەتی عبداللەی کوڕی، کە عبداللە شەهیدکرا ئەسما لە ژیاندا مابوو، زۆر بەغیرەت و ئازابوو ، جارێک چووە لای حەججاجی کوڕی یوسفی سەقەفی ، کە بەفەرمانی حەججاج عبدالله لەسێدارەدرابوو بەرەو ڕووی حەججاج وەستاو فەرمووی: بیستم لەپێغەمبەر کە فەرمووی: لەتیرەی سەقیف درۆزنێک و ستەمکارێک پەیدا ئەبن، درۆزنەکەمان دی کە موختاری کوڕی ئەبی عەبید بوو، ستەمکارەکەش تۆی.

ئەسماء سەد ساڵ ژیاو لەساڵی (٧٣ک) کۆچی دوایی کرد.

مانای ناوی ئەسما,واتای ناوی ئەسما,نەخۆشی ئەسما,ئەسما ئەسەد,ئەبو بەکری سدیق,ئەبو بەکر بەغدادی,ئەبو بەکری سدیق pdf,ئەبو بەکری سدیق ناوی چیە,ئەبو بەکر کاروانی,ناوی ئەبو بەکر